Featured Post

ازاى تكتب رواية الجزء الثانى

Monday, November 22, 2010

ما قالته القارئة هبة سامي عن رواية هيروبولس


من غير مقدمات الر وايه جميله جدا وأنا إتعلمت منها حاجات كتير جدا عن تاريخ السويس من غير بذل مجهود فى مراجع لا طائل لها
الروايه مليئه بالمشاعر الجميله التى تشعر بها وأنت تقرأ شخصياتها
أعجبت أيضا ببساطة الاسلوب الذى يذكرنى بإسلوب نجيب محفوظ فى حديث الصباح والمساء وبهرنى إن تاريخ السويس فى عقود ممكن تقراه فى كتاب عدد صفحاته مش ضخمه كل شخصيه فى الروايه كانت تعبر عن رمز للفتره الزمنيه ورمز واضح جدا وبصراحه حسيت فى الروايه حب للفتره إللى كان يها الانجليز فى القنال لاكن دى حقيقه حتى تيتا لما بتكلمنى بتقول إنها كانت فتره جميله فى السويس والقنال كله الروايه عبرت عن محافظة السويس من فترات إزدهار وفترات إنحدار والاهم إنها لما عبرت عن فترات الانحدار ماكنش فيها إساءه لصورة هذا البلد الجميل هى روايه يستشعر بها من عاش فى السويس ويتشوق لرؤيتها من لم يزور السويس
كما أتمنى أن تصدر روايه عن كل محافظه وتبقى روايه ممحليه تدرس فى المدارس المحليه لكل محافظه بدل الروايات إللى فيها أخطا تاريخيه ضخمه وبعيده عن العصر والتواصل الذى يممكن أن يدمج الالمواطن بمحافظته أولا ومصر كلها ثانيا
وبصراحه كده أنا مش أديبه علشان أقدر أطلع العيوب الادبيه ولا أعرف مدارس الادب علشان كده مش هعرف أتكلم عن عيوب فى الروايه لاكن كقارئ مفيش حاجه خلتنى مارتحش لجزئيه وأنا بقراها خاصة وقد تفاعلت مع الشخصيا وخاصة كرستين البطله وكما كانت الروايه تحمل المفاجئات فى كل شخصيه وتطوراتها
أتمنى لك التوفيق دائما وفى تطور وإزدهار دائم ونرى المزيد من أعمالك إن شاء الله
وأعتذر عن الاطالة
هبة سامي
عضوة صالون هيروبولس
خريجة اداب قسم فلسفة
كاتبة قصة
Post a Comment

كتب