Featured Post

ازاى تكتب رواية الجزء الثانى

Wednesday, March 10, 2010

كلمتنا في تغطية للحفل



في مجلة كلمتنا عدد شهر مارس 2010
كتبت دعاء جميل


سمعت عن عيد الانتماء المصري؟




عيد الانتماء المصري, كان في يوم من الأيام مجرد حلم, بدأته على الفيس بوك مجموعة من الشباب الحر, اللي مش تابع لأي حزب, وقدروا بمجهودهم وإصرارهم, يحولوا الحلم ده لحقيقة, وكانت البداية, حفلة في مركز شباب الجزيرة يوم 11 فبراير, واللي كانت بمثابة انطلاقة لأفكار وأحلام وآمال كتير من شباب مصر, لمستقبل مصر.
من أهم أحداث الحفلة, تكريم 10 شباب في مسابقة أنا مصري, اللي كان هدفها تسليط الضوء على الشباب المصري اللي بيعمل إنجازات - حتى لو كانت صغيرة - ومش واخد حقه, في مجالات الرياضة والثقافة والعلم.


وكنوع من التأييد والمساندة, حضر الحفلة مجموعة من الشخصيات المهمة, زي المهندس ((محمد عبد المنعم الصاوي)), مؤسس ساقية الصاوي, والفنان ((محمد فهيم)), والمطرب المميز ((حمزة نمرة)), والدكتور ((شريف عرفة)), مدرب التنمية البشرية ورسام الكاريكاتير, والدكتور ((محمد حسين)) زميل أكاديمية التنمية البشرية بإنجلترا, ودكتورة ((نادية العوضي)) رئيس الاتحاد الدولي للإعلاميين العلميين, ورئيس مكتب مصر للمركز الدولي للصحفيين, وأول من تسلق قمة أعلى جبل في إفريقيا, والطفل ((محمود وائل)) أذكي طفل في العالم.


ومن خلال التعاون مع المجموعة الدولية للتدريب والتوظيف, تم منح مجموعة من الاستمارات للشباب المشاركين في الحفل, وتقديم دورات تدريبية في الكمبيوتر واللغات من خلال شركة سمارت مايند.
وكل ده, تم تحت شعار اختاره فريق عيد الانتماء, عشان يركز عليه مجهوده السنة دي, وهو ((النجاح الشخصي)) لأن لو كل واحد نجح في مكانه, وركز فيه, مصر كلها هتنجح.
Post a Comment

كتب