Featured Post

ازاى تكتب رواية الجزء الثانى

Tuesday, August 25, 2009

أسماء رمضان : لسة متفائلة


قلم سنون: الحلقة الحادية عشرة


أسماء رمضان محررة صفحة المدونات في العالم اليوم
أسماء لها علاقات بكل المدونين و تعرف عنهم كل حاجة ..
واحدة من جوة مطبخ المدونين
بنت مصرية عايشة و شايفة و فاهمة و بتعامل
عملت معها دردشة بسيطة


ما هو سبب اهتمامك بالمدونات؟

السبب الرئيسي الصفحة هي اللى خلتني ادخل ع مدونات كتير واتابعها
واعرف اخر الاخبار لكن قبل الصفحة كنت بدخلها من حين للتاني مش بشكل مستمر يعني


شايفة مستقبل المدونات ازاي؟

ان المدونات هيزيد عددها بشكل كبير جدا وهتتنوع اكتر من الوقت الحالي وهيكون المنافسة شديدة جدا وفي النهاية هتستمر المدونات اللى اصحابها فعلا اصحاب اقلام متميزة


تفتكري لو صفحة كانت فى جرنال تاني كانت تنجح اكتر؟

السبب ان العالم اليوم بطبيعته اقتصادي مش اي حد بيقراه


طب جت لك عروض فى اماكن تانية ولا لا؟

في الاول سعيت اني اروح اماكن تانية وده كان ف الاول خالص
زي الشروق مثلا وبقيت فيها فترة صغيرة بس بعد التعيين ف الكلية مبقتش ادور ع مكان تاني واكتفيت بالعالم اليوم
بس فيه بقا صحاب من المدونين عملوا مجلة ميكانو
واشتركت معاهم بقسم عن المدونات برضو


اية رايك في محاولات الحزب الوطني فى الدخول لعالم الفيس بوك

نوع من المحاكاه هو شايف انه عايز يعمل قاعده جماهيرية له
وعارف ان الشباب اهم ناس ممكن تساعد في ده فبيدخل لنا من الباب اللى بنستخدمه اللى هو النت يعني محاولة لتجميل كيان الحزب


شايفة الاستجابة ازاي استجابة المدونات ازاي؟

متنوعة فيه ناس قابلت الموضوع بصدر رحب وقالت انها محاولات ايجابية ومدونات شافت ان الموضوع مجرد كلام بدون اي فعل ومدونات قابلته بشن حملات هجوم على الحزب
والبعض كتب ان دي محاولات لاكساب جمال الشرعية لكونه الرئيس القادم



ايه الحاجة اللى اكستبيها من المدونات

فيه خبرات كتير اكتسبتها من الناس اللى اتعرفت عليهم
من المدونين تقدر تقول دايرة المعارف زادت وبعضهم بقا من الاصدقاء المقربين ليا وبرغم من اني مش مدونة محترفة الا اني بدات ادخل عالم التدوين من خلالهم تقدر تقول كده ان المدونات حببتني في التدوين
وبدل ما كنت بكتب لنفسي بقيت بكتب واشوف ردود الأفعال
علي الكتابات وده مش متوفر لاي صحفي انه يعرف ردود الأفعال على كتاباته
بشكل كبير خاصة لو حد لسه بادئ


اية اكتر حاجة بضايقك فى الاعلام؟

انه كتير جدا بيثير المشكلة ويكبرها في بعض الاوقات
ويحولها لازمة منغير ما يطرح طرق الحل طبعا مش بلقول هو اللى يحل لكن يطرح طرق الحل حاجة كمان
هو عدم التاكد من صحة بعض الموضوعات ونشرها دون التاكد من مصادرها ودون سؤال
جميع المصادر ساعات فكرة السبق الصحفي بتاثر بالسلب على تناول الاعلام لبعض الموضوعات


شايفة جيلنا ازاي ؟؟

شايفاه جيل رائع برغم من كم المشاكل اللى حواليه والازمات اللى بتواجهه الا انه بيواجه وبيحاول انه يعمل حاجة
عنده امكانيات كتير وموهوب وباين كده ان الازمات اما بتزيد
بتخرج اجيال متميزة يارب يعني متفائلة بجيلنا وحابة جدا المحاولات اللى بيعملها


كلمني عن نفسك ؟ اية طموحاتك اية احلامك الشخصية؟

عن نفسي اسماء بنت عادية جدا ئيعني ساعات بحس اني في قمة العقل واحيان كتير بحس اني طفل صغير
كتير بحاول اوصل لليوتوبيا بس اجي ع ارض الواقع الا قيه صعب جدا
ممكن تقول كمان انه نفسي جدا ابقي حد متميز
في المحال الاكاديمي واعمل فيه اضافة مش اكون مجرد معيد
دخل المجال وزيه زي الباقي وخلاص ونفسي اموت وربنا راضي عني


وشايفة مستقبلك ازاي؟

ممكن يكون استمرار في المجال الاكاديمي يعني ان شاء الله يكون فيه رسالة ماجستير بعدها الدكتوراه نفسي يكون للصفحة تاثير اكبرمن كده ويعرفها ناس اكتر وفي نفس الوقت خايفة ان يكون فيه تاثير ع الصفحة بسبب انشغالي بالجامعة

Post a Comment

كتب