Featured Post

ازاى تكتب رواية الجزء الثانى

Wednesday, April 22, 2009

رنا : مش عارفة بالضبط بس يمكن


قلم سنون: الحلقة السابعة


كانت بتكتب فى كلمتنا و شباب شو و نحلم
جدعه
بتحب تكتب
كتبت مقدمة هيروبولس
متحيز لموهبتها جدا
حاسس انها مش عارفة تستغل موهبتها
هي بتحاول تقرأ عشان تزود معرفتها يمكن تلاقي طريقها
هتوصل أو مش هتوصل هي اساسا مش مهتمة بالموضوع ده


بتقضي يومك في القاهرة ازاي؟

دلوقت والتيرم ده بالأخص عندي 3 أيام بس محاضرات بنزل فيهم الجامعة أحضر محاضراتي ولو في حفلات توقيع ف المركز الثقافي لناس أعرفها بروح أحضرها
وساعات باخد زمايلي ونحضر فيلم قصير وندوة عنه ف نفس المركز
وناوية أنزل مع المدونين عالبورصة
كل خميس


هتعملي اية لما ترجعي العريش؟

مش عارفة بالضبط بس أكيد صلتي بالقاهرة مش هتنقطع ممكن أشتغل أواحتمال أكمل مجستير ف مجال دراستي في نفس جامعتي


بتكوني اكثر حيوية فى القاهرة عن العريش؟

أه جدا بيبقى عندي نشاط وحيوية وطاقة بجد بتختفي ف العريش
مش عارفة بالضبط بس يمكن عشان القاهرة فيها أماكن ومجالات كتير وكل يوم في جديد غير العريش صغيرة واللي بتبات فيه بتصبح فيه


بعدتي لية عن الاعلام و الصحافة .. بعد ما كانت بدايتك قوية؟

المثل بيقول صاحب بالين كداب عشان أنجح ف دراستي لازم تبقى هي كل تركيزي خصوصا بعد ما حسيت ان الصحافة مش هي اللي بحلم بيه


اية الحاجة اللى ممكن تخليكي مبسوطة؟

ممممم حاجات كتير
لما بلاقي ناس بتحب بعضها وبتساعد بعض من غير مقابل ببقى مبسوطة
لما أشوف طفل صغير بيضحك ببراءة ببقى مبسوطة
لما أعمل تجربة جديدة عليا ببقى مبسوطة
لما أكون سبب في اسعاد شخص ببقى مبسوطة
لما أنجح
حاجات كتير

Post a Comment

كتب