Featured Post

ازاى تكتب رواية الجزء الثانى

Wednesday, April 1, 2009

حسين هاشم .. أنا أنتحرت قبل كدة


قلم سنون: الحلقة الثالثة


حسن هاشم.. صديقي .. من أهالي العباسية الكرام .. و المسئول عن بابا بكره و بعده فى مجلة كلمتنا ..موهبة ساخرة نادرة التكرار .. محبط لدرجة الانتحار .. سعيد لدرجة الجنون .. .. يضحك على شئ .. يعرف كيف يخترع النكتة ...
موهبة مصرية .. ينقصه الواسطة .. الغريب أننا في الحوار ده ..هنعرف أن الساخر الجميل حزين من جوه


عملت اية فى مين النهاردة ..بما ان النهاردة أول ابرايل؟

واحد الصبح على القهوة بيسألنى هما بطلوا حفر ليه فى جبل ابو زعبل قولته عشان البركان قرب ينفجر وبيخلوا المنطقة


و صدق؟
قايم مقتنع وحياتك :D


فكرت فى الانتحار قبل كدة؟

اه ..انا انتحرت قبل كده من حوالى 7 سنين
اكتئاب بعد وفاة والداتى حسيت انى لوحدي ومفيش حاجة قادراعملها ومحدش بيحبنى سوء من صحابى او اخواتى ومش فالح ف حاجة فقررت انى انتحر وانتحرت


شايف مستقبلك ازاي ؟؟؟؟ شايف الاعلام و الكتابة حقيقة ولا وهم؟

اساسا انا شايف حياتنا دي كلها وهم كبير .. مش فارقة معايا ابقى كاتب كبير او حتى شحات فى الشارع .. كله فى الاخر وهم .. بس ساعات بحلم عشان اعرف استمتع بحياتى وحلمى انى اكون كاتب وسينارست


حاسس دايما ان الناس شايفك بصورة مختلفة عن حقيقتك؟

لا كنت زمان كده .. دلوقتى وصلت لمرحلة انى اعرف اللى قدامى عاوز يشوفنى ازاى او ساعات انا عاوزه اخليه يشوفنى ازاى واغير شخصيته فى الموقف ده


Post a Comment

كتب