Featured Post

ازاى تكتب رواية الجزء الثانى

Saturday, March 21, 2009

وينكي .. بتحاول تعيش وتتعايش


محتاج أفهم شوية حاجات ... قولت أسال صحابي ..يمكن نفهم كلنا مع بعض الحاجات اللى احنا كلنا مش فهمنا ... محدش يستغرب طبيعة الاسئلة .. احنا مش هنسأل بأسلوبنا ... هنفكر مع بعض يمكن نوصل لحاجة ..

***

قلم سنون: الحلقة الأولى


وينكي .. لو كنت بتروح الساقية ممكن تسمعها بتغني هناك ... لو بتحب المدونات ممكن تقرأ مدوناتها .. حاجة كدة بتعمل كل حاجة ... بتساعد ناس كتير .. بتحاول تعيش و تتعايش .. مش عارف هي صح ولا غلط ولا يهمنى أعرف .. هى تجربة كدة ... بس صوتها حلوة و احساسها حلو و دماغها شغاله


وينكي : حاسة انك عنك وقت فراغ ؟؟

احيانا باحس انى عندى وقت فراغ ..والاحساس ده بيقتلنى ..غالبا باحسه لما مايكونش عندى حاجه مخططه لها انى اعملها..او مافيش حد حواليا ارغى معاه


نفهم من كدة انك بتعملى مليون بتهربي احساسك بالفراغ و عشان تهربي من ضغوطك النفسية ؟؟

الوقت بالنسبالى نوعين ...وقت باعمل فيه حاجه ...ووقت فاضي بادور فيه على حاجه باعملها...وكل ما قل وقت الفراغ فى حياتى كل ما زادت فايدتى فى الدنيا ..مش هانكر انى احيانا باهرب من مشاكلى وباشغل نفسي عنها ..بس دا مش غالب فى طبعى...واحيانا وقت الفراغ بالنسبالى بيكون مفيد جدا كوقت انى اريح اعصابى شويتين


مغنية ولا كاتبة ولا موظفة ولا فلكية .... انتى ملخطبة ولا عبقرية ... حاسة انك بتعملي اللى انتى عايزة .. ؟؟؟؟؟؟؟

انا واحده لسه بتحاول تكتشف نفسها...لسه مالقيتش هدف حياتى.. وبادور عليه..ماشيه فى كل الطرق على التوازى عشان اكسب وقت ...عندى احساس غامض ان العمر اقصر مما اتخيله ...بس قريب جدا هاستقر واعرف انا ايه بالضبط


سعيدة ؟؟ حاسة انك لو كنتى فى بلد تانية كنتي هتكونى اسعد ؟؟؟؟

السعادة شيء نسبي.. ومرتبط باللحظة اللى انت عايشها اذا كانت ترضيك ولا لأ...اقدر اقول انى فى الاغلب سعيدة ..هاكون سعيده لو لفيت العالم بس ارجع مصر تانى.......ماعندكش فكره انا بحب البلد دى قد ايه.فكره دايما مسيطره عليا.....باقول لو جتلى فرصه انى اسافر بره...بلد جميلة ونضيفة ووظيفة مريحة واستقرار ومزايا مالهاش حصر.....فى الاول هارحب جدا........لكن انا واثقه انى بعد اقل من شهر هاحن لمصر بكل ما فيها

Post a Comment

كتب